أُغنیّة إموادع صدگ
یولفی إلگلب جر صوبک وجالک
تخونه إلّی وفه إبحبّک وجالک
إشتعل بإلنار حامالک وجالک
تطفّیه لو یظل یسعر علیّه
...
یا ولفی گلبی ملتهب ، ضکنی إلوکت ما جیتنی
إتگلّی أحبّک بإلکذب ، بس بإلصدگ ترکیتنی
إتعذّب إلروح إلرادتک ، چا هیچی صارت صحبتک
یا وسفه لیش إتظم علی ، حب و إنتهه إو ملیتنی
...
عاشرتک إسنین إلمضن ، وین إلوعد یألغالی
مو گلت لحلف لک قسم ، ویّاک أظل للتالی
یا حلو گلّی إشبدّلک ، و أنت إلعزیز إشغیّرک
إتذکّرنه من چنّه إبسفر ، حبّیتک إو حبّیتنی
...
إمغادرنی و إعیونی تصب ، وضّح لی گلّی إبیا سبب
سهران لیلی للصبح ، أگلب إصورّک و أنتحب
صعبه علیه و أنتظر ، طیر إلسعد منّی یفر
تنسانی تگدر تبتعد ، إبشوگک عمر حرگیتنی
...
یألضیّعتنی إو إبهل وکت ، وین إلوفه إو وین إلعون
مایک سراب إتلامعت ، گلبی إبغیابک مجنون
محتار ما عندی فکر ، بإلفرگه روحی تنعصر
مشتعله إبنار إو جمر ، مجروح ما داویتنی
...
ودّعتک إموادع صدگ ، بس أدری أنت إلخسران
تتندّم إو أاخر تجی ، تسئل علیّه إلجیران
میفید تتعذّر بعد ، أاخر کلامی للأبد
خذ ذکریاتک و إبتعد ، إبذکرک أون خلّیتنی
...
عندی طلب و أتوسّلک ، إبعد علی ما أشوفک
و إبگلبی أصلاً لا تمر ، بیّنه إلی معروفک
ما أرید أنا أتنطّرک ، و إبفکری دوم أتصوّرک
حبل إلوصل ما یرتهم ، حنّیت ما حنّیت لی
...
لو صدفه و إبملگة درب ، لا یرمی جفنک برماح
یم إلحبایب بإلحچی ، لتگول غشّیته إو راح
ما أقبل إتذمنی إبحچی ، إو لا أقبل إتون بإلبچی
مای إو تبدّه إو ما یرد ، عطشان ما أرویتنی
...
جاسم ثعلبی ألحسّانی 29/02/1401
:: برچسب‌ها:
أُغنیّة إموادع صدگ ,
:: بازدید از این مطلب : 894
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
